Пентагон Иранга каршы аскердик операция АКШга 37,5 миллиард долларга түшөрүн билдирди

АКШнын коргоо министри Пит Хегсет Конгресстеги угууда Иранга каршы аскердик операциянын жалпы чыгымы 37,5 миллиард долларды түзөрүн билдирди.

Чет элдик басылмалар билдиргендей, бул сумма буга чейин сарпталган каражаттарды жана 30-сентябрга чейин күтүлүп жаткан чыгымдарды камтыйт.

Хегсет кошумча каржылоо болбосо, Пентагон аскер кызматкерлерин даярдоо программаларын кыскартууга аргасыз болорун айтып, 2027-жылга карата министрликтин бюджетин бекитүүгө чакырды. Пентагон бул үчүн 1,5 триллион доллар бөлүүнү өтүнүүдө.

Ошол эле учурда демократтар мындай чыгымдарды сынга алып, АКШ жаңы масштабдуу жаңжалга аралашып кетиши мүмкүн экенин эскертишти.