Беларус тышкы иштер министри Улуттук тарых музейине барды

Кечээ, 22-июлда Кыргыз Республикасындагы расмий сапарынын алкагында Беларустун тышкы иштер министри Максим Рыженков расмий делегация менен Улуттук тарых музейине барды. Бул тууралуу Маданият маалымат жана жаштар саясаты министирлиги билдирди.

Меймандарды музейдин директору Назгүл Өмүрзакова тосуп алып, кыргыз элинин тарыхын, маданий мурасын жана улуттук өзгөчөлүгүн чагылдырган туруктуу экспозициялар менен тааныштырды.

Экскурсиянын жүрүшүндө делегация археологиялык табылгалар, этнографиялык коллекциялар, кыргыз мамлекеттүүлүгүнүн калыптануу тарыхы жана эгемендүү Кыргызстандын өнүгүүсүнө арналган көргөзмөлөр менен таанышты. Ошондой эле өлкөнүн тарыхындагы маанилүү окуялар, көрүнүктүү инсандар жана улуттук маданий мурастар тууралуу маалымат алышты.