"Түндүк" тиркемеси аркылуу баланын төрөлгөнүн онлайн каттоого болот

Мобилдик "Түндүк" тиркемесинде баланын төрөлгөнүн онлайн каттоо кызматы ишке киргизилди. Бул тууралуу "Түндүк" ААКтан билдиришти.

Эми ата-эне баланын төрөлгөнүн каттоо боюнча арызды мамлекеттик мекемеге барбай эле, түздөн-түз тиркеме аркылуу бере алышат.

Жаңы кызмат аркылуу:

• баланын төрөлгөнүн каттоого арыз жөнөтүүгө;
• арыздын каралуу статусун көзөмөлдөөгө;
• даяр туулгандыгы тууралуу күбөлүктү электрондук форматта алууга болот.

Бул кызмат жарандар үчүн убакытты үнөмдөп, мамлекеттик кызматтарды онлайн форматта алууну жеңилдетүүгө багытталган.