Чолпон-Атада ишкерден акча опузалоого шектүүлөр кармалышты

Ысык-Көлдүн Чолпон-Ата шаарында коркутуу менен акча талап кылууга шектелгендер кармалышты. Бул тууралуу Улуттук коопсуздук мамлекеттик комитети билдирди.

Атайын кызмат 27 жаштагы жаран ишкерден опузалап акча алып жатканда колго түшкөнүн белгиледи. Көп өтпөй анын 25 жана 26 жаштагы шериктештери кармалышкан.

Бул факт боюнча Кылмыш-жаза кодексинин "Уюшкан топ тарабынан жасалган опузалоо" беренеси менен кылмыш иши козголгон. Учурда кылмыштын бардык жагдайларын жана ага тиешеси бар башка адамдарды аныктоо үчүн тергөө иштери жүргүзүлүүдө.