Эми Филармониянын алдындагы оргума музыкага бийлей баштайт

Бишкектеги Кыргыз улуттук филармониясынын жанындагы оргума жаңыланганын борбор калаа мэриясы кабарлады.

Маалымдалгандай, фонтан комплексинде техникалык жабдуулар жаңыртылып, сууну тазалоонун заманбап системдери, жалбырактарды чогултуучу жабдуулар орнотулган.

Ошондой эле бийлеген оргумага эффекттер менен коштолгон жарык-музыкалык системи орнотулган. Ал ар түрдүү жарык жана музыкалык программаларды өткөрүүгө мүмкүндүк берет.