Ырчы Шакира жер титирөөдөн жабыркаган Колумбияга жардам берерин айтты

Кечээ, 17-августта колумбиялык ырчы Шакира мекениндеги жер титирөөдөн катуу жабыркаган Чоко провинциясынын борбору Кибдо шаарына күтүүсүз барды. Бул тууралуу чет өлкөлүк маалымат агенттиктери билдирди.

Ырчы жабыркаган мектептерди кыдырып, окуучулар менен жолугуп, алар менен сүрөткө түштү. Шакира жергиликтүү 10 мектепти кайра курууга жана университетти калыбына келтирүүгө жардам берерин убада кылды.

"Мени эң көп тынчсыздандырганы - өзгөчө кырдаал аяктагандан кийин мектептердин калыбына келтирилбей калышы. Балдар мектепке барбай калган ар бир күн - алардын келечегинен ажыраган бир күн",- деди ырчы журналисттерге.

Эске салсак, 10-августта Колумбияда күчү 7,4 баллга жеткен жер титирөө болгон. Кырсыктан жүздөгөн адам каза болуп, миңдеген киши жаракат алган. Ошондой эле үйлөр, ооруканалар, мектептер жана башка инфраструктуралар олуттуу зыянга учураган.