Манас шаарындагы “Акылман” лицейи сентябрда пайдаланууга берилет (видео)

Манас шаарында 360 окуучуга ылайыкталган “Акылман” президенттик мектеп-лицейинин курулушу аяктоо алдында турат. Объектти жаңы окуу жылынын башталышына карата, сентябрь айында пайдаланууга берүү пландалып жатканын бүгүн, 25-августта Курулуш министрлиги билдирди.

Маалым болгондой, лицейде окуу корпусунан тышкары, 410 орундуу жатакана, мугалимдер үчүн турак жай, лабораториялар, китепкана, 25 метрлик бассейн, спорт зал жана стадион болот.

Курулуштун сметалык наркы кайра каралып, 2,1 миллиард сомдон 1,7 миллиард сомго түшүрүлгөн. Натыйжада мамлекеттик бюджеттен 443,5 миллион сом үнөмдөлгөнү кошумчаланды.