"Манас" аэропорту 31-август жана 1-сентябрда убактылуу чектөө менен иштейт

31-августта саат 09:00дөн 20:00гө чейин аэропортто жүргүнчүлөрдү кабыл алуу жана жөнөтүү убактылуу чектелет. Бул чектөө ШКУ саммитине катышуучулардын келүүсүнө байланыштуу киргизилип жатканын бүгүн, 26-августта "Кыргызстан аэропорттору" ишканасы билдирди.

Ал эми 1-сентябрда аэропорт өзгөчө режимде иштеп, жүргүнчүлөрдү ташуучу каттамдарды аткарууга саат 10:00дөн 22:00гө чейин чектөө коюлат.

Жүргүнчүлөргө сапарларын алдын ала пландап алуу сунушталат.