VI Дүйнөлүк көчмөндөр оюндарынын медалдарынын дизайны сунушталды

VI Дүйнөлүк көчмөндөр оюндарынын алдында Дене тарбия жана спорт мамлекеттик агенттиги мелдештин жеңүүчүлөрүнө жана байге ээлерине тапшырылуучу алтын, күмүш жана коло медалдардын расмий дизайнын сунуштады.

Медалдардын дизайны көчмөн кыргыз элинин салттуу философиясынын негизинде иштелип чыккан. Алардын борбордук бөлүгүндө Дүйнөлүк көчмөндөр оюндарынын расмий эмблемасы жайгашкан.

Эки беттүү медаль аны илип коюуга жана атайын таянычка орнотууга ылайыкталган комплект менен кошо берилет.

VI Дүйнөлүк көчмөндөр оюндарынын жеңүүчүлөрү жана байге ээлери дал ушул өзгөчө медалдар менен сыйланып, дүйнөлүк көчмөн спортунун тарыхында өз ысымдарын калтырышат.