Көз жашын тыя албай... "Мадинадагы" өрттөн кийин сатуучулар базарга чогулушууда (видео)

"Мадина" базарындагы өрттөн кийин сатуучулар базарга келип, өз товарларын жана контейнерлерин көрүүгө аракет кылып жатышканы боюнча интернет желесинде видео тарады. Көпчүлүгү базардын аймагына кирүүгө аракет кылууда. Айрым сатуучулар көз жашын тыя албай, эмне болгонун билүүгө аракет кылып жатышат.

Бирок милиция азырынча эч кимди базардын ичине киргизбей жатат. Коопсуздук үчүн аймак курчоого алынган.

Учурда куткаруучулар өрттү өчүрүү иштерин улантып, окуя болгон жерде кошумча кызматтар да тартылып, тиешелүү иштер жүргүзүлүүдө.

Эскерте кетсек, ИИМ өрттүн чыгышына электр зымдарынын кыска туташуусу себеп болушу мүмкүндүгүн билдиришүүдө.