Караколдо 25 метрлик флагштокко мамлекеттик туу салтанаттуу көтөрүлдү

31-августта Кыргыз Республикасынын Эгемендүүлүк күнүнө арналган майрамдык иш-чаралардын алкагында Каракол шаарынын борбордук аянтында Кыргыз Республикасынын Мамлекеттик туусун салтанаттуу көтөрүү аземи өттү.

Иш-чара майрамдык концерттик программанын алкагында уюштурулду. Кыргыз Республикасынын Мамлекеттик гимнинин коштоосунда ардак кароолдун кызматкерлери мамлекеттик тууну салтанаттуу түрдө көтөрүштү.

Туунун өлчөмү 6,4 × 3,8 метрди түзөт. Шаардын борбордук аянтына орнотулган жаңы флагштоктун бийиктиги 25 метрди түзөт.

Иш-чарага жергиликтүү бийлик органдарынын өкүлдөрү, коомчулук, шаар тургундары жана коноктор катышты.

Майрамдык программа Кыргыз Республикасынын Эгемендүүлүгүнүн 35 жылдыгына арналган концерттик чыгармалар жана башка иш-чаралар менен уланды.

Концерттин түз эфирин УТРК Ысык-Көлдөн, Номад ТВ каналынан жана төмөнкү шилтеме аркылуу көрө аласыздар.