Путин менен Пашинян Бишкекте Армениянын Евробиримдикке багытын талкуулашты

Кечээ, 1-сентябрда Орусиянын президенти Владимир Путин менен Армениянын премьер-министри Никол Пашинян Бишкекте өткөн Шанхай кызматташтык уюмунун саммитинин алкагында жолугушту.

Бул эки лидердин Армениядагы июнь айындагы парламенттик шайлоодон кийинки алгачкы жеке жолугушуусу болду.

Сүйлөшүүдө Армениянын Европа Биримдигине кошулуу ниети да талкууланды. Путин Армениянын мындай тандоого укугу бар экенин белгилеп, бирок бул өлкөнүн Евразиялык экономикалык биримдикке мүчөлүгүнө байланыштуу айрым кыйынчылыктарды жаратышы мүмкүн экенин айтты.

Орусиянын президенти Армения бул маселе боюнча канчалык тез чечим кабыл алса, Москва үчүн эки өлкөнүн мындан аркы мамилесин түшүнүү ошончолук жеңил болорун белгиледи.

Өз кезегинде Никол Пашинян Армениянын келечектеги багыты боюнча референдум өткөрүүгө азырынча убакыт келе электигин билдирди. Анын айтымында, учурда өлкө алдында реалдуу альтернатива толук калыптана элек.

Путин болсо элде тандоо болушу керектигин айтып, эгер тандоо маселеси күн тартибинде турса, аны элден сурап чечүү эң жөнөкөй жол экенин белгиледи.

Эки лидер сүйлөшүүнү улантууга макул болушту.