Караколдо Эгемендүүлүктүн 35 жылдыгы чоң салтанат менен белгиленди

31-август — Кыргызстандын Эгемендүүлүк күнүнө карата Каракол шаарында миңдеген шаар тургундарынын жана коноктордун катышуусунда чоң майрамдык концерт уюштурулду.

Салтанаттуу кечеде өлкөнүн эгемендүүлүк жылдарындагы жетишкендиктери белгиленип, шаарды өнүктүрүүгө салым кошкон жарандарга жана коомдун сыймыгы болгон баатыр энелерге өзгөчө көңүл бурулду. Каракол шаарынын мэри майрамдык иш-чарага катышып, көп балалуу энелерге медалдарды жана сыйлыктарды тапшырды.

Кеченин өзгөчө бөлүгү — сахнага чыккан белгилүү эстрада өкүлдөрүнүн жана чет өлкөдөн келген коноктордун өнөрү болду. Орусиядан келген белгилүү ырчы Филипп Киркоров жана Люся Чеботина караколдуктарга өзгөчө маанай тартуулашты.

Эгемендүүлүк — бул эркиндик гана эмес, өлкөнүн келечегине болгон жоопкерчилик жана биримдик. Караколдо бул күн элдин биримдигин, сыймыгын жана майрамдык маанайын чагылдырган чоң салтанат менен коштолду.