Америкалык ырчы Николь Шерзингер Кыргызстанга кайра келерин билдирди (видео)

Америкалык белгилүү ырчы Николь Шерзингер Кыргызстандагы күйөрмандарына ыраазычылыгын билдирип, социалдык тармактагы баракчасына Бишкектен тартылган видеону жарыялады.

Ырчы VI Дүйнөлүк көчмөндөр оюндарынын ачылыш аземине катышып, 31-августта "Бишкек Аренада" сахнага чыгып, күйөрмандарына өзүнүн белгилүү ырларын тартуулаган.

"Кыргызстан, силер укмуш элес калтырдыңар! Мага көрсөткөн сүйүүңөр, энергияңар жана колдооңор үчүн рахмат. Мага көрсөткөн жылуу мамилеңерге жана меймандостугуңарга абдан ыраазымын. Көптөгөн жаңы, керемет адамдар менен таанышууга мүмкүнчүлүк болгонуна кубанычтамын. Бир күнү кайра келем!",- деп жазды Шерзингер.

Анын билдирүүсү кыргызстандык күйөрмандардын жылуу пикирлерине ээ болду. Ырчы Дүйнөлүк көчмөндөр оюндарынын ачылыш аземинде негизги коноктордун бири болду.