Манас Ниязов: "Ачылышта аябай сүйүнүп, көздөн жаш айланды"

Белгилүү улакчы Манас Ниязов VI Дүйнөлүк көчмөндөр оюндарынын "Бишкек Аренада" өткөн салтанаттуу ачылыш аземи тууралуу өз оюн билдирди.

Анын айтымында, Кыргызстанда мындай масштабдагы иш-чаранын өтүп жатканы өзгөчө сыймык жана чоң толкундануу жараткан.

"Ачылышта аябай сүйүнүп, көздөн жаш айланды. Мындай сезимди сөз менен айтып жеткирүү кыйын",- деди Манас Ниязов.

Улакчы Көчмөндөр оюндарында көкпар боюнча курамада ойноп жатат. Учурда алар Монголияны жана Өзбекстанды утушту.