Эйфел мунарасында аял кызматкерлерге байланыштуу чыр чыкты

Париждеги Эйфел мунарасынын кызматкерлери жетекчиликтин аял кызматкерлерге байланыштуу чечимине нааразычылык билдирип, кечээ, 7-сентябрда бир күндүк иш таштоо өткөрүштү.

Буга 5-сентябрда мунарага барган индуисттик BAPS уюмунун 100гө жакын мүчөсүнүн талабы себеп болгон. Делегациянын өкүлдөрү аялдар менен мүмкүн болушунча аз байланышта болууну суранышкан. Жетекчилик бул талапка макул болуп, айрым аял кызматкерлердин ордуна эркектерди ишке койгон.

Бул чечим кесиптик бирликтин нааразычылыгын жаратып, кызматкерлер аял кесиптештерин колдоо максатында иш ташташкан.

Учурда Париж бийлиги окуя боюнча текшерүү иштерин жүргүзүүдө. Эйфел мунарасынын жетекчилиги аялдардан жана жалпы жамааттан кечирим сурап, бүгүн, 8-сентябрдан тарта мунара кадимки режимде иштей баштады.