Президент 6 адамга "Даңк" орденин ыйгарды

Өлкө башчы Садыр Жапаров алты жаранга "Даңк" орденин берүү жарлыгын чыгарды. Маалымтты бүгүн, 9-сентябрда президенттин администрациясы таратты.

• Какиш Боронбаева – "Юкор Строй Групп" жоопкерчилиги чектелген коомунун курулуш бөлүмүнүн прорабы.
• Элчибек Жантаев – Министрлер кабинетине караштуу мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору.
• Абдишалим Исраилов – "Кредиттик союздардын жана кооперативдердин улуттук ассоциациясы" юридикалык жактардын бирикмесинин президенти.
• Кайыпбек Кадыралиев – Нарын облустук бириккен ооруканасынын врач-кардиологу.
• Кубанычбек Кантороев – Кыргызстан жол тармагынын ардагери.
• Гүлбүбү Курманбекова – Кыргыз-Түрк "Манас" университетинин табигый илимдер факультетинин деканынын милдеттерин аткаруучу.