Темирлан Сманбеков Эл артисти наамын алды

Президент Садыр Жапаров 9-сентябрда кол койгон жарлыкка ылайык, бир катар өнөр адамдарына Кыргыз Республикасынын Эл артисти наамы ыйгарылды. Алар:

• Султан Ибраимов атындагы Ош улуттук драма театрынын көркөм жетекчиси Уланмырза Карыпбаев;
• Токтогул Сатылганов атындагы Кыргыз улуттук филармониясынын Карамолдо Орозов атындагы мамлекеттик академиялык эл аспаптар оркестринин башкы дирижеру Боромбай Кулахматов;
• Кыргыз мамлекеттик Бакен Кыдыкеева атындагы жаш көрүүчүлөр театрынын биринчи категориядагы артисти Темирлан Сманбеков;
• Театр жана кино актёру, Токтогул Сатылганов атындагы Кыргыз улуттук филармониясынын көркөм жетекчиси Болот Тентимышов;
• Бабур атындагы Ош мамлекеттик академиялык өзбек музыкалык-драма театрынын артисти Самидахан Халматова.