Азия оюндары: Волейбол боюнча Кыргызстандын командасы В тайпасында ойнойт

Кыргызстандын волейбол боюнча улуттук курамасынын 2026-жылкы Азия оюндарындагы оюндарынын жадыбалы белгилүү болду.

Чүчүкулактын жыйынтыгында Кыргызстан В тайпасына кирип, Иран, Индонезия жана Таиланд менен ойнойт.

• 27-сентябрь: Иран – Кыргызстан;
• 28-сентябрь: Индонезия – Кыргызстан
• 29-сентябрь: Кыргызстан – Таиланд

Волейбол боюнча мелдештер 16-сентябрдан 3-октябрга чейин өтүп, ага 16 команда катышат. Тайпалык этаптан ар бир тайпадан мыкты эки команда плей-оффко чыгат.

Эскерте кетсек, XX Азия оюндары 19-сентябрда башталып, 4-октябрга чейин уланат. Мелдештер Япониянын Нагоя шаарында орун алат.