“Нефтчи” өз талаасында “Азиягол” футбол клубун кабыл алат (видео)

Бүгүн, 11-сентябрда Жалал-Абад облусунун Кочкор-Ата шаарында “Нефтчи” жана “Азиягол” командаларынын беттеши өтөт.

Оюндун алдында эки команда тең акыркы машыгууларын өткөрүп, беттешке кызуу даярдык көрүштү.

“Жеңиш үчүн колубуздан келген бардык аракетти жасайбыз. Куйөрмандар үчүн да жакшы эмоцияларды тартуулаганы аракет кылабыз”, - деп билдирет “Нефтчи” командасынын оюнчусу Алмазбек Маликов.

Белгилей кетсек, бүгүн 1640 орундуу стадиондо бүйүр кызыткан оюн болору күтүлүүдө.