Бишкекте айдоочулар мушташып, бири эс-учун жоготту (видео)

Бишкекте унааны туура эмес токтоткондон улам эки айдоочу чырдаша кетишти. Окуянын видеосу социалдык тармактарга тарады.

Видеодо айдоочулардын бири экинчисин ургандан кийин анын жерге эс-учун жоготуп кулап түшкөнү көрүнөт.

Окуя боюнча бүгүн, 13-сентябрда Октябрь райондук милициясы текшерүү жүргүзүп, мушташка катышкан айдоочулардын өздүгүн аныктоо иштери жүрүп жатканын билдирди.

Милиция окуянын бардык жагдайлары такталгандан кийин мыйзамга ылайык чара көрүлөрүн кошумчалады.