Туңгучта таштанды жайынын абалына тургундар нааразы (видео)

Кечээ, 14-сентябрда социалдык тармактарда Бишкектин Туңгуч кичи районундагы таштанды таштоочу жайдын абалы тартылган видео жарыяланды.

Кадрлардан урналардын айланасына таштандылар үйүлүп, жөө адамдар өтүүчү жолдун бир бөлүгүн тосуп калганы көрүнөт.

Видеонун автору таштанды ташуучу унаа туура эмес токтотулган жеңил унаалардан улам урна жакка өтө албай жаткан болушу мүмкүн деп болжолдоду. Ошондой эле таштанды өз убагында чыгарылбай жатканын айтып, мындай көрүнүш биринчи жолу эмес экенин белгилеген.