Роналду Португалия курамасындагы кырдаалга нааразы болгону айтылды

Португалиянын футбол боюнча улуттук курамасында Криштиану Роналду менен машыктыруучулар штабынын ортосунда пикир келишпестик жаралганы тууралуу маалымат тарады.

Record басылмасынын маалыматына караганда, Норвегияга каршы беттеште Роналду оюнга алмаштыруучу катары чыгууну күткөн. Машыктыруучу ага болжол менен 30 мүнөт ойноого мүмкүнчүлүк берерин айткан, бирок футболчу талаага чыгарылган эмес.

Оюн бүткөндөн кийин Роналду күйөрмандарга ыраазычылык билдирбестен кийим алмаштыруучу жайга кеткен. Ал эми шаршемби күнү команданын жалпы машыгуусуна катышпай, мейманканада өзүнчө машыкканы кабарланды.

Португалиянын Футбол федерациясынын президенти команда жайгашкан жерге шашылыш учуп келгени айтылууда. Ал эртең Роналду жана машыктыруучу Жезуш менен жолугуп, кырдаалды талкуулай турганы маалымдалды.