Кыргызстанда Chevrolet автоунааларын жылдык 8%га чейинки үстөк менен лизингге алуу программасы мамлекеттик колдоо менен ишке кирди

Кыргызстанда ата мекенде чогултулган Chevrolet автоунааларын жеңилдетилген автолизинг программасы аркылуу сатып алуу мүмкүнчүлүгү түзүлдү. Жылдык пайыздык үстөк 8%га чейин, мөөнөтү 5 жылга чейин. Төлөмдөрдү 60 айга чейинки мөөнөткө бөлүштүрүүгө болот, ошондуктан автоунаанын толук наркын дароо төлөөнүн зарылдыгы жок.

Мамлекеттик органдардын жана алардын республикалык бюджеттен каржыланган ведомстволук жана аймактык мекемелеринин кызматкерлери үчүн жылдык 5% жеңилдетилген үстөк каралган. Кыргызстандын башка жарандары үчүн жылдык үстөк 8%ды түзөт.

Программада Chevrolet Damas моделине өзгөчө көңүл бурулган. Бул чакан коммерциялык автоунаа жеткирүү, соода, жүк ташуу жана чакан жана орто бизнестин башка муктаждыктары үчүн ылайыктуу. Лизинг автоунаа сатып алууга чоң суммадагы каражатты дароо жумшабай, аны бизнести өнүктүрүүгө — товар сатып алууга, логистикага жана учурдагы чыгымдарга багыттоого мүмкүндүк берет.

Damasтан тышкары, программада ишке, үй-бүлөлүк сапарларга жана күнүмдүк колдонууга ылайыктуу башка Chevrolet моделдери да жеткиликтүү.

«Жеңилдетилген автолизинг программасы, биринчи кезекте, ата мекенде чогултулган автоунааларды Кыргызстандын жарандары үчүн дагы да жеткиликтүү кылуу максатында ишке киргизилүүдө. Биз жарандарыбыздын кепилдиги бар жаңы, сапаттуу автоунааларды айдап жүрүшүнө шарт түзүүнү каалайбыз. Ошондой эле ата мекендик автомобиль өнөр жайын өнүктүрүүгө кошкон салымы жана көрсөткөн колдоосу үчүн Кыргыз Республикасынын Өкмөтүнө өзгөчө ыраазычылык билдиребиз. Бул программа бизнес үчүн да жаңы мүмкүнчүлүктөрдү ачат: бүгүнкү күндө мынчалык жеткиликтүү автоунааларды табуу оңой эмес».

— Константин Шведчиков, Chevrolet Kyrgyzstan компаниясынын башкаруучу директору

Программанын негизги шарттары

Бизнес үчүн жеңилдетилген лизинг — керектүү транспортту алып, жүгүртүү каражатын сактап калуунун жолу. Жеке кардарлар үчүн — автоунааны бүгүн алып, анын толук наркын дароо төлөбөө мүмкүнчүлүгү.

Лизингди тариздөө жолдору

Компания жөнүндө

Chevrolet — Кыргызстанда Tulpar Motors ишканасында автоунаа өндүрүшүн баштаган биринчи автомобиль бренди. Автоунааларды чогултуу 2024-жылдын июль айында башталган.