"Баткен электр тармактарынын" директору пара алууга шектелип кармалды (видео)

Баткен облусунда пара талап кылууга шектелген жаран кармалды. Бул тууралуу 1-октябрда Ички иштер министрлигинен билдиришти.

Маалымдалгандай, 2-сентябрда "Баткен облустук электр тармактары" ишканасынын директору, Кадамжай районунда жайгашкан мекеменин электр линиясына байланыштуу кемчиликтерди жоюуга убакыт берүү үчүн 3 миң доллар талап кылган.

Бул факт боюнча Кылмыш-жаза кодексинин 343-беренеси (Опузалап пара алуу) менен кылмыш иши козголуп, 51 жаштагы шектүү кармалды. Учурда тергөө иштери улантылууда.