АКШ Украинадагы кырдаал жаңжалды токтотуу багытында өнүкпөй жатканын билдирди

АКШ Украинадагы кырдаал азырынча жаңжалды токтотууга карай өнүгүп жаткан жок деп эсептейт. Бул тууралуу АКШнын мамлекеттик катчысы Марко Рубио билдиргендигин чет элдик басылмалар жазышты.

“Биз ал жактагы окуялардын өнүгүшүнө көз салып турабыз жана кыймылдын туура эмес багытта болуп жатканын көрүп жатабыз”, - деди Рубио журналисттерге Украинадагы жаңжалды жөнгө салуу келечеги тууралуу суроого жооп берип жатып.

Марко Рубио учурда Исландияда иш сапары менен жүрөт. Анын журналисттер менен баарлашуусу DWS News телеканалы аркылуу көрсөтүлдү.