10-октябрда Бишкектин айрым көчөлөрүндө унаа кыймылына чектөө киргизилет

10-октябрда Чүй облусунун 100 жылдыгына арналган иш-чараларга байланыштуу Бишкектин айрым көчөлөрүндө унаа кыймылына убактылуу чектөө киргизилет. Бул тууралуу бүгүн, 8-октябрда Жол кыймылынын коопсуздугун камсыздоо башкы башкармалыгынын басма сөз кызматы билдирди.

Чектөө Ала-Тоо аянтына жакын төмөнкү кесилиштерде киргизилет:

• Чүй проспекти – Эркиндик бульвары;
• Чүй проспекти – Панфилов көчөсү;
• Панфилов – Пушкин көчөлөрү;
• Панфилов – Абдумомунов көчөлөрү;
• Фрунзе – Орозбеков көчөлөрү;
• Фрунзе – Раззаков көчөлөрү;
• Эркиндик бульвары – Абдумомунов көчөсү.

Мекеме айдоочуларга каттамын алдын ала пландап, башка жолдорду пайдалануу сунуштады.