Бишкекте мотоцикл сүзгөн 67 жаштагы аял каза болду

Кечээ, 8-октябрда Бишкек шаарында мотоциклдин айдоочусу жөө өтмөктөн өтүп бара жаткан 67 жаштагы аялды сүзүп кетти. Маалыматты Милициянын кайгуул кызматы тастыктады.

Маалыматка ылайык, аял жаракатынан улам окуя болгон жерден каза болду. 27 жаштагы мотоцикл айдоочусу сол далысынын моюнчасы жана сол колунун билек сөөктөрү сынып, ооруканага жаткырылды.

Учурда кырсыктын бардык жагдайлары такталууда. Буга чейин социалдык тарамактарга аталган кырсыктын видеосу тараган.