Надира Нарматова, депутат: “Айыл чарба министри кызматына талапкерге Токтобек деп ат коёлу”     

Парламенттин Адам укуктары, конституциялык мыйзамдар жана мамлекеттик түзүлүш комитети айыл чарба жана мелиорация министри кызматына Таалайбек Айдаралиевдин талапкерлигин жактырды. Талапкер депутаттардын суроолоруна жооп берип, министр болуп дайындалып калса, тармакты көтөрүүгө бардык күчүн жумшай турганын айтты. Депутат Надира Нарматова министрлер бат-баттан алмашып жатканын белгилеп, “бул министрге Токтобек деп эле ат коюп коёлу” деди.

Талапкерди кызматка бекитүү маселеси парламенттин 5-февралдагы жыйынында каралат.