Трамп 8 Нобель сыйлыгына татыктуу экенин билдирди

АКШнын президенти Дональд Трамп Нобель тынчтык сыйлыгынын Норвегиялык комитетин катуу сындап, быйылкы сыйлык ага эмес, түштүк африкалык укук коргоочу Нави Пиллэйге берилгенине нааразычылыгын билдирди. Бул тууралуу NBC News телеканалы билдирет.

Трамптын айтымында, ал түрдүү аскердик жаңжалдарды жана кагылышууларды жөнгө салууга кошкон салымы үчүн кеминде 8 Нобель сыйлыгына татыктуу болгон. "Америка Кошмо Штаттары менин өкүлчүлүгүмдө Нобель тынчтык сыйлыгын алышы керек болчу, бирок алган жок. Бул - Норвегия үчүн өчпөс так",- деди ал.Ал комитеттин бул чечимин "уят көрүнүш" деп атап, Нобель тынчтык сыйлыгы эми "түбөлүккө кадыр-баркын жоготту" деп кошумчалады. Ошондой эле Трамп быйылкы лауреат Нави Пиллэй тууралуу буга чейин эч качан укпаганын белгиледи.

Эске салсак, 9-октябрда Нобель комитети 2008-2014-жылдары БУУнун Адам укуктары боюнча жогорку комиссары болуп иштеген Нави Пиллэйди лауреат катары жарыялаган. Ал сыйлыкка "тынчтыкты жана эл аралык укукту чыңдоого кошкон эбегейсиз салымы үчүн" татыктуу деп табылган.