Казакстандык актриса Дарига Бадыкова менен актёр Олжас Абай баш кошту (видео)

Казакстандык актриса жана продюсер Дарига Бадыкова менен анын кесиптеши, "Жылуу уя" жана "Таптым го сени" тасмаларында негизги ролду жараткан Олжас Абай баш кошушту. Бул тууралуу актёр социалдык тармактагы баракчасына видео жүктөп, кубанычын бөлүштү.

Видеодон үлпөт той түгөйлөрдүн жакындарынын курчоосунда өткөнүн көрүүгө болот. "Бул жолу кино эмес",- деп жазды актёр.

Белгилей кетсек, актёр менен актриса бир нече тасмаларда негизги ролдорду бирге аткарып келишкен. Ал эми Дарига Бадыкованын жолдошу менен ажырашуусу да бир топ чуулгандуу окуялар менен коштолгон.