Эми "Балага сүйүнчү" алуу үчүн "Түндүктөн" арыз берсе болот

Бүгүн, 14-октябрдан тарта "Түндүк" мобилдик тиркемесинде "Балага сүйүнчү" мамлекеттик жөлөк пулун тариздөө боюнча электрондук кызмат ишке киргизилди. Бул тууралуу Эмгек, социалдык камсыздоо жана миграция министрлиги билдирди.

Маалыматка ылайык, бала төрөлгөнү жарандык абалдын актыларын каттоо органдарында катталгандан кийин ата-энелер санариптик кызматты колдонуп, жөлөк пул алуу үчүн арызды аралыктан бере алышат.

Ошол эле учурда жөлөк пулду Калкты тейлөө борборлору аркылуу салттуу тартипте тариздөө мүмкүнчүлүгү сакталат.