Стамбулдагы суу ташкыны үч адамдын өмүрүн алып, беш киши дайынсыз болууда

Стамбулда катуу жааган жамгырдан улам шаарда сел жүрдү. Мындай табигый кырсык Стамбулда 84 жылдан бери биринчи жолу болуп жатканын өлкөнүн Өзгөчө кырдаалдар министрилиги билдиргенин чет элдик басылмалар жазышты.

Түркиянын ички иштер министри Мустафа Чифтчинин билдирүүсүнү боюнча, 15-октябрда шаарда 2 миң 700 адам эвакуацияланган. Ошондой аба каттамы дагы үзгүлтүккө учурап, Стамбулга учуп келе жаткан учактар башка аэродромдорго багытталган.

Нөшөрлөгөн жаандан улам 1200дөн ашык турак үй жана ишканаларды, ошондой эле эки оорукананын имаратын суу каптаган. Айрым аймактарда башталгыч мектептин тирөөч дубалы урап түшкөн. Мындан сырткары, үч адам каза болуп, дагы бешөө дайынсыз болууда.

Синоптиктердин айтуусу боюнча, Стамбулда жана айрым аймактарда жамгырдын жаашы уланышы мүмкүн болууда.