Путин Трамп менен Си Цзиньпинге Украинанын тагдырын Зеленскийсиз чечүүнү сунуштаган

Орусиянын президенти Владимир Путин америкалык жана кытайлык кесиптештери Дональд Трамп менен Си Цзиньпинге Украинанын тагдырын Владимир Зеленскийдин катышуусу жок чечүүнү сунуштаган.

The Wall Street Journal басылмасынын маалыматы боюнча, Орусиянын лидери үч тараптуу саммит өткөрүүнү сунуштап, анда ал согушту Москвага жагымдуу шарттарда токтотуу боюнча макулдашууга үмүттөнөт.

Сунуш Путин менен Трамптын 9-октябрдагы телефондук сүйлөшүүсү учурунда айтылган. Кремль 18-19-ноябрда Кытайдын Шэньчжэнь шаарында өтө турган Азия-Тынч океан экономикалык кызматташтыгынын (APEC) саммитинин алкагында жолугушуу уюштурууну сунуштап жатат.

Кремлдин басма сөз катчысы Дмитрий Песков мындай жолугушуу мүмкүнчүлүгү талкууланып жатканын ырастап, бирок азырынча так макулдашуу жок экенин айтты.