Новопавловкадагы өспүрүмдүн сабалышы боюнча териштирүү жүрүүдө

Социалдык тармактарда Новопавловка айылында өспүрүм баланы аёосуз сабап жаткан видео тараган.

Бул окуя боюнча Бишкек шаарынын Ленин райондук ички иштер башкармалыгы комментарий берди.

“Учурда бул факты боюнча окуянын бардык жагдайлары такталып жатат. Текшерүүнүн жыйынтыгы менен Кыргыз Республикасынын мыйзамдарына ылайык чаралар көрүлөт”, - деп билдиришти милициядан.

Учурда кол салган адамдын өздүгү, чырдын келип чыгуу себептери жана жабыркаган өспүрүмдүн абалы такталууда.