Бишкекте амалкөйлүк кылам деген айдоочу 3 жылга унаа башкаргыс болду (видео)

Бишкекте мас абалында BMW унаасын башкарган жаран айдоочулук күбөлүгүнөн үч жылга ажыратылып, 100 миң сом айып пул төлөөгө милдеттендирилди.

Кайгуул кызматынын маалыматы боюнча, ал кечээ, 21-октябрда таңкы саат 04:50 чамасында жол тескөөчүлөрдөн качып, Фрунзе көчөсүнө унаасын токтотуп койгон. Бирок баары бир жаран жол тескөөчүлөр тарабынан колго түшкөн.

Ал унаа башкарып бара жатканда ичимдик ичпегенин, токтотуп анан ичкенин айткан. Деген менен видеожазуулар анын калпын чыгарган.