Казакстандык диний ишмер медреседе өспүрүмдөргө ыдык көрсөткөн деп айыпталууда (видео)

Кечээ, 27-октябрда казакстандык диний ишмер Исматулла Максумга карата "өспүрүмдөргө сексуалдык ыдык көрсөткөн" деген билдирүүдөн кийин сотко чейинки тергөө иштери башталгандыгы маалым болду. Бул тууралуу Казак басылмалары жазып чыгышты.

Маалыматка караганда, дин ишмери жабык диний билим берүү борборлорунда өспүрүм балдарга ыдык көрсөткөнүн уюмдун мурдагы тарбиялануучулары айтып беришкен. Алардын айтымында, ал эгер болгон окуяны ачыкташса түрмөгө отургузуу менен коркутуп келген.

Казакстандын Ички иштер министрлиги бул иш боюнча сотко чейинки тергөө иштери жүрүп жатканын маалымдады. Ошондой эле тергөө учурунда мыйзам боюнча башка маалыматтар ачыкка чыкпашы керектиги айтылды.

Айрым басылмалар Исматулла Максум 2011-жылы экстремизм, уюшкан кылмыштуу топ түзүү жана мыйзамсыз медициналык ишмердүүлүк менен алектенүү боюнча 14 жылга эркинен ажыратылганын жазышууда.