Испанияда поезд кырсыгынан каза болгондордун саны 68ге жетти

Испанияда эки поезддин кагылышуусунан каза болгон жарандардын саны 68ге жетип, 170тен ашуун адам жабыркады. Бул тууралуу чет элдик басылмалар Кастилия-Ла-Манча автономдук коомчулугунун башчысы Эмилиано Гарсиа-Пахеге таянып билдиришти.

"Учурда жабыркагандардын 15и өтө оор абалда, 53ү орточо оор абалда ооруканада жатат",- деди ал жергиликтүү басылмаларга.

Эскерте кетсек, кырсык кечээ, 28-октябрда Мадридден Севильяга багыт алган поезд менен жогорку ылдамдыктагы поезддер компаниясынын вагондорунун ортосунда болду. Кырсыктын кесепетинен төрт вагон рельстен чыгып, темир жолдун жээгине кулады.

Бул каргашалуу окуядан кийин Испаниянын премьер-министри Педро Санчес 29-октябрдан 31-октябрга чейин өлкөдө үч күндүк аза күтүү жарыялады.