Стамбулда 26 жаштагы казакстандык кыздын өлүмүнөн кийин нааразычылык акциясы өттү

Бүгүн, 29-октябрда Түркиянын Стамбул шаарында 26 жаштагы Казакстандын жараны Айсулуу Бекмаханованын табышмактуу өлүмүнөн кийин нааразычылык акциясы болуп өттү. Бул тууралуу чет элдик басылмалар жазып чыгышты.

Маалыматка караганда, "Аялдар кеңеши" кыймылынын активисттери Шишли районунда трагедия болгон жерге чогулуп, аялдардын укугун коргоо жана зордук-зомбулукка каршы талаптарды коюшту.

Эскерте кетсек, Бекмаханова 25-октябрда 6 кабаттуу үйдүн чатырынан кулап каза болгон. Бул ишке байланыштуу анын кошунасы, жакын мамиледе болгон киши кармалганы маалым болду. Кийинчерээк сот аны өлкөдөн чыкпоо тил каты менен үй камагына чыгарган.