Экинчи аял алып... Президентке Баткенде жолуккан аялдын жолдошу камалды (видео)

Президент Садыр Жапаровдун Баткен эли менен болгон жолугушуусунда жолдошу экинчи аял алып, үч баласы менен өзүн үйүнөн кууп жатканын айткан Гүлзат айымдын күйөөсү камакка алынды. Бул тууралуу кечээ, 30-октябрда жактоочу Адилет Мерканов билдирди.

"Гүлзат айымдын күйөөсү экинчи аял алып, ошондой эле өз инисине арыз жаздырып, экөөнүн ортосундагы мүлктөрдү өзүнө ыйгарып алган. Бүгүнкү күндө Гүлзат айымдын күйөөсү камакка алынды", - деди жактоочу.

Октябрь райондук милициясынын маалыматына ылайык, бул факты боюнча Кылмыш-жаза кодексинин 209-беренеси (Алдамчылык) менен кылмыш иши козголуп, анын алкагында 1975-жылы туулган жаран кармалган.

Андан соң Октябрь райондук сотунун чечими менен шектүү камакка алынган. Учурда тергөө амалдары уланууда.