Германияда жаштардын нааразылык акциясы өттү (видео)

Кечээ, 31-октябрда Германиянын 30дан ашык шаарында жаштардын нааразылык акциялары өттү. Бул тууралуу чет өлкөлүк маалымат каражаттары билдирди.

Маалыматка ылайык, митингдер өлкөдөгү кымбатчылыкка, билим берүү жана социалдык тармактардын жетишсиз каржыланышына, ошондой эле милдеттүү аскердик кызматтын кайра киргизилиши мүмкүн экенине каршы багытталган. Нааразычылыкка чыккандар билим берүүгө инвестицияны көбөйтүүнү, турак жай акысын жана жашоо чыгымдарын азайтууну, социалдык программаларды коргоону талап кылышкан.

Уюштуруучулардын маалыматына караганда, акцияларга 100 миңден ашык адам катышты. Митингдер ошол эле күнү аяктап, кийинки нааразылык акциясын 20-ноябрда өткөрүү пландалып жатканы айтылды.