Казакстанда туруктуу каттоодо турган 5 миң кыргыз жараны бар

Казакстанда туруктуу каттоодо турган 5 миң, ал эми убактылуу каттоодо турган 25 миң кыргыз жараны бар. Бул тууралуу бүгүн, 18-декабрда Тышкы иштер министрлигинин басма сөз катчысы Нуржигит Кадырбеков маалымдады. Ал белгилегендей, Кыргызстандын Орусиядан кийинки эле маанилүү миграциялык өнөктөшү - Казакстан. Кыргызстандын Казакстандагы элчилигинин маалыматы боюнча, Казакстанда 80 миңдей кыргыз жараны жашап, иштешет. Маалыматка ылайык, учурда Алматы шаарында эле 15 миңдей кыргыз бар.