Анхель Каппа: “Месси футболго болгон кызыгуусун жоготту”

Бүгүн, 7-февралда европалык басылмалар кабарлагандай, 80-жылдары “Барселонанын” башкы машыктыруучусу Сасар Луис Меноттинин жардамчысы болгон Анхель Каппа аргентиналык футболчу Лионель Мессинин дарегине сын узатты. Анын айтымында, Месси футболго болгон кызыгуусун жоготту.  

“Футбол кумарланууну, кызыгууну талап кылат. Мындай кызыгуу Диего Марадона, Хави жана Андрес Иньеста сыяктуу футболчуларда мыкты өнүккөн. Месси акыркы оюндарда майдандагы өзүнүн жана өнөктөштөрүнүн кызматын түшүнгүсү жок. Анын мындан 3-4 жыл мурунку оюнунда чектен ашкан каалоосун, мыкты оюнун көрүүгө болот. Азыр ал мурункудай бир оюнчунун артынан экинчисин жазгырып өтүп, укмуштуу оюн көргөзүүнү токтотту. Футбол менен 15 жыл жашаган соң ал чарчап, ойноого болгон каалоосун жоготту”,- дейт ал.   

Эске салсак, Лионель Месси сезондо 24 расмий оюнга чыгып, 19 гол киргизди.