Бүгүнтөн баштап Казакстан Кыргызстанга жаратылыш газын жетиштүү өлчөмдө бере баштайт

Бүгүн, 19-декабрдан баштап "КазТрансГаз" АКсы Кыргызстандын түндүк аймагына жаратылыш газын жетиштүү өлчөмдө бере баштайт. Кечээ, 18-декабрь күнү өкмөт башчы Жантөрө Сатыбалдиев Казакстандын премьер-министри Серик Ахметов менен телефон аркылуу сүйлөштү. Жыйынтыгында эки тарап келишип, Казакстан 19-декабрдан баштап газга чектөө киргизбей, жетиштүү өлчөмдө бермей болду. Эске салсак, 14-декабрь күнү "КазТрансГаз" АКсы газга чектөө киргизип, Кыргызстандын түндүк аймагында газдын көлөмү 30 миң метр кубга чейин түшүп кеткен. Ошондой эле Бишкек шаарындагы ЖЭБге газ берүү токтотулуп, айрым абоненттер газсыз калышкан.