Камбар-Ата ГЭС-1 курулушу боюнча экспертиза жүргүзүү үчүн Казакстан жана Өзбекстан менен макулдашуу жүрүп жатат

Камбар-Ата ГЭС-1 курулушу боюнча экспертиза жүргүзүү үчүн Казакстан жана Өзбекстан менен макулдашуу жүрүп жатат. Бул тууралуу бүгүн, 19-декабрда Тышкы иштер министрлигинин басма сөз кызматы билдирди. Аталган министрликтен маалым болгондой, премьер-министр Жантөрө Сатыбалдиев ТИМге Камбар-Ата ГЭС-1 курулушу боюнча экспертиза жүргүзүү тууралуу маалымат берүү тапшырмасын берген. Анткени үстүбүздөгү жылдын 20-сентябрындагы Орусиянын президенти Владимир Путиндин Бишкекке болгон сапарында орус жана кыргыз өкмөттөрүнүн ортосунда Камбар-Ата-1 ГЭСинин курулушуна экологиялык экспертиза жүргүзүү келишимине кол коюлган. Өзбекстан жана Казакстандын бул көз карандысыз экспертизага катышуусу келишимдин талаптарынын бири болуп саналат. Ага ылайык, өзбек жана казак тарап менен макулдашуу жүрүп жатканын ТИМден маалымдашты.