Вице-премьер-министр Тайырбек Сарпашев өлкө аймактарында электр жарыгын себепсиз өчүрүүлөр жок экенин айтты

"Газдын убактылуу чектелгенинен улам Бишкектин жана Чүй облусундагы электр көмөк чордондоруна күч келип, авариялык өчүрүүлөр болуп жатат". Бул тууралуу КРнын вице-премьер-министри Тайырбек Сарпашев билдирди. Анын айтымында, өлкөнүн башка аймактарында айрым оңдоо иштерине байланыштуу гана өчүрүүлөрдү эсепке албаганда, негизинен, электр жарыгы толук берилип жатат. Ал ошондой эле Казакстан кайрадан газ бере баштаганын кошумчалады.