Туйгунаалы Абдраимов “БШКнын мүчөлөрүнүн үчтөн экиси мени отставкага кетире алат” деди

“Борбордук шайлоо комиссиясынын үчтөн экиси мага ишеним көрсөтпөсө, мени отставкага кетирүүгө болот”,- деди ЖКнын 13-февралдагы жыйынында БШКнын төрагасы Туйгунаалы Абдраимов.   Муну парламент жыйынында депутат Абдыманап Кутушев да сунуштады. Буга чейин депутаттар БШКнын төрагасын иштен алуу маселеси Конституцияда, мыйзамдарда каралбаганын айтып келишкен. “БШК -коллегиялык орган. Комиссиянын мүчөлөрүнүн үчтөн экиси ишеним көрсөтпөй коюу менен мени отставкага кетире алат”,- деди журналисттерге Абдраимов.