ЖКда Бишкектин көчөлөрүн кардан тазалоого 18 гана атайын техника иштеп, жетишпей жатканы айтылды

"Бишкектин көчөлөрүн кардан тазалоого болгону 18 атайын техника иштеп жатат" деди Бишкек мэри Иса Өмүркулов ЖКнын 19-декабрдагы жыйынында. Анын айтымында, бир аптадан бери тынбай жааган кар шаар көчөлөрүн толук тазалоого мүмкүнчүлүк бербей жатат. "Шаар көчөлөрүн кардан тазалоого керектүү атайын техника сатып алууга бюджеттен акча бөлүнгөн эмес. Туура, жолдор боюнча айтылып жаткан сындарды моюнга алам. Аларды чечүүнүн үстүндө иштеп жатабыз" деди мэр. Ал ошондой эле кышка карата мэриянын көргөн чараларына токтолду. "Учурда борбор шаардагы ар бир райондо 25тен көмүр точкалары бар, бир тонна көмүрдүн баасы 3200 сомдон өйдө болуп жатат.