Казакстан: Чек ара кызматынын башчысынын орун басары камакка алынды

Казакстандын Чек ара кызматынын башчысынын орун басары Серик Ашимбаев кылмышка күнөөлөнүп, камакка алынды. Коңшу өлкөнүн маалымат булактарынын билдиришинче, Ашимбаев “бийликти кыянаттык менен пайдалануу” беренеси боюнча айыпталууда. Тактап айтканда, "300 миллион теңге уурдады" деп күнөөлөнүп жатат. Тергөө ишине байланыштуу кызматынан четтетилди. Бир катар Чек ара кызматынын өкүлдөрү өлкөдөн чыкпоо тил катын жазып беришкени айтылды.