“Берекет”, “Дордой-Дыйкан” жана “Ала-Арча” базарларында жасалма алкоголдук азыктарды сатуучуларга каршы рейд жүргүзүлүүдө

Бүгүн, 18-февралда “Берекет”, “Дордой-Дыйкан” жана “Ала-Арча” базарларында жасалма алкоголдук азыктарды сатуучуларга каршы рейд жүргүзүлүүдө. Бул тууралуу КРнын Мамлекеттик салык кызматынын басма сөз кызматы билдирди.

Маалым болгондой, КРнын Өкмөтүнүн арактын 1 литринин салыгынын баасы 40тан 60 сомго көтөрүлүшү боюнча токтому күчүнө киргендиктен, жасалма арак саткандар көбөйгөн.

“Мамлекеттин бюджетине арак сатуудан кирешенин толугу менен түшүшү үчүн “Берекет”, “Дордой-Дыйкан” жана “Ала-Арча” базарларында милиция кызматкерлери менен биргеликте рейддер жүргүзүлүүдө”,- деп маалымдады мекеменин басма сөз кызматы.